حبيبتي
حبيبتي لو ذبل وردك مع فله
في ذمتي ماطرى غيرك على بالي
يمكن على شان قلبي ماشفى غله
من حبك اللي محى الاول مع التالي
الا زهمتي عطيتك خافقي كله
والا انتخيتي رميت الشال وعقالي
عمرك سمعتي حبيب يقتله خله
من يقطف الورد لأحبابه قتل غالي
ياطاهره والغدر ماهو على حله
تبت يد اللي يخونك يابعد حالي
عمرك سمعتي شجاع يهزمه ظله
من شاف طرفك حزين .. وقال : أنا مالي؟
ياحبي اللي اعرفه زين وادله
ماكنه الا خدين الروح وظلالي
تدرين وش يذبح الرجال ويذله؟
قهر مع الوقت صار أكبر آمالي
الى سكتنا تزايد طيننا.. بله
والا حكينا ..حكينا .. بالخلا الخالي
من ضاع وجهك وانا اقول الغلا من له؟
من غاب نورك وجرح الليل غربالي
عمرك سمعتي حبيب يقتله خله؟
من يقطف الورد لاحبابه .. قتل غالي
قلبي وانا ادري عطيتك وانتهى كله
حبيبتي .. لا يضيع الشال وعقالي
مع تحياتي أخوكم عازف القلوب
