مرة واحد زرع وردة طلعت له أم كلثوم
مرة واحد راح يوكل محامى....... لقاه صايم. واحد رمى يمين الطلاق على مراته ماجاش فيها. كسلان دخل الامتحان وقع منه القلم ........سلم الورقة. مرة واحد باع اللى وراه والى قدامه وا شترى اللى جنبه. بقرة جالها جفاف نزلت نيدو. ليه الخشب يتيم؟.......لأ نه مقطوع من شجرة. مرة 5 دخلوا كلية الهندسة اثنين طلعوا مهندسين وثلاثة زمالك.
لية الصعيدي الصغير أذكي من الصعيدي الكبير؟......
لأنة مابقالوش كتير صعيدي.
واحد بلديتنا كبر دماغه معرفش يخرجها من التيشرت. عربية كحيانة صاحبها سابها قدام بيت مهجور...ليه؟؟ ! عاوزها تبقى عربية شبح.
ثلاثة مساطيل قاعدين في سهرة
الأول : أنا عندي فلوس أشتري بيها أمريكا الشمالية
الثاني : وأنا عندي فلوس أشتري بيها أمريكا الشمالية و الجنوبية
الثالث : و مين قالكم إني رح أبيع
مره واحد عداه العيب اخد الي بعده. واحد خلقه ضاق اداه لأخوه الصغير. دبانة وقعت فى ازازة وسكى طلعت تقول اوعى النسر. واحد مشغول اتجوز واحدة مشغولة خلفوا ولد مش فاضلهم. مرة مدرس رياضيات خلف ولدين و استنتج التالت.
همبورجر وبيبسى و بطاطس بيجروا فى الشارع تفتكر لية؟........
عشان وجبات سريعة.
واحده بلدياتنا قالت لجوزها قولى كلمه حلوه ، قال لها بسبوسه
قالت له يا اخى قولى كلمه تهزنى ، قال لها مرجيحه
قالت له قولى كلمه احس فيها انى مراتك
قال لها انتى طالق
مرة دكتور اسنان اشترى عود قصب لقاه مسوس حشاه.
واحد ومراته متخانقين فبطلوا يكلموا بعض فكتب ورقة صحيني الساعه 6:30
علشان عندي شغل , وحط الورق على السرير ونام صحي الساعة 10:00
فلقى ورقه مكتوب عليها الساعه6:30 يلا إصحى
مره واحد ابنه طلع من الأوائل .......... شفروه !خبير ارصاد جويه ... اتجوز وخلف بنتين الكبري 27 والصغري 13
